MARGARIDA SAMPIETRO I FERRER
BARCELONA, 1974
AS NUESTRAS INFÁNCIAS
Yayo,
a tuya infáncia son as figas d’a figuera d’o huerto Arnal,
un canet cerrudo que se deciva Leon,
e aquel viage ta Barcelona que t’escruixinó o riso.
La mia,
una caixeta dorada d’abalórios,
os banyos en a Barceloneta,
una Nancy negra,
os interminables domingos en o tuyo taxi.
Dos universos,
una unica pátria.
M’AGRADAN ELS TEUS PITS PETITS
M’AGRADAN ELS TEUS PITS PETITS
Cabotarde caloroso de juliol
en o coche amprau a tu pai.
Dende un escuro camin de Collsera,
abaixo, como un firmamento invertiu,
Barcelona ye una fiesta,
una fiesta a os nuestros piez.
Celebramos per avançau a mia mayoria d’edat.
Me convence este cabotarde caloroso de juliol
i a tuya frase M’agradan els teus pits petits.
Dimpuesas,
pensarosos,
deseguida descubro as nuestras preocupacions:
Si m’havré quedau embaraçada,
as tacas sobre a tapiceria nueva.
MAMA
Me pentinava.
Me trenava o cabello
u me feva un floco.
Me deciva cagauego,
como tamien feva yayo.
–anque a frase favorita d’el yera ‘fiera com’un chuanrralla’–.
Sufriva per os mios uellos,
per o mio peso,
i le feva fástio l’hivierno.
La recuerdo indo ta os cursos de catalan
con ixa falda ramiada que ella mesma se fizo.
Te’n has iu i no he puesto despedir-me.
I ploro,
mientres releigo o libro de Passolini
que me regalés quan
aquel anyo,
de buen implaz,
marché ta Italia.